सन्मान धाडसाचा... मयूर शेळकेच्या दारात उभी राहिली जावा कंपनीची 'नवी कोरी बाईक'

उद्योगपती आनंद महिंद्रा यांनीही ट्विट करुन मयूर शेळकेंचं कौतुक केलंय. तर, जावा मोटारसायकलचे डायरेक्टर अनुपम थरेजा यांनी मयूरला नवी कोरी जावा मोटारबाईक गिफ्ट देण्यात येईल असे सांगितले होते. त्यानुसार ही भेट देण्यात आली.

नवी मुंबईतील वांगणी रेल्वे स्थानकावरील पॉइंटमनने प्रसंगावधानता दाखवत एका अंधमातेच्या चिमुकल्‍याचे प्राण वाचवले. हा संपूर्ण थरार सीसीटीव्ही कॅमेऱ्यात रेकॉर्ड झाला आहे.

मध्य रेल्वेच्या वांगणी स्थानकावरील ही घटना आहे. पॉइंटमनने दाखवलेल्या सतर्कतेमुळे मुलाचा जीव वाचवला. मयूर शेळकेंच्या या धाडसाचं सर्वत्र कौतुक होत आहे.

गल्लीपासून दिल्लीपर्यंत मयूर यांच्या बहादूर कामगिरीला सॅल्यूट करण्यात येत आहे. आता, शौर्यमॅन मयूर शेळकेंवर अभिनंदनासह बक्षीसांचाही वर्षाव होत आहे.

रेल्वेमंत्री पियुष गोयल यांनीही मयूरच्या धाडसाचं कौतुक केल्यानंतर रेल्वेकडून 50 हजार रुपयाचं बक्षीस मयूर यांना जाहीर करण्यात आलंय.

रेल्वेकडून मयूर यांना ५० हजारांचं बक्षीस देण्यात आलं. यातील निम्मी रक्कम मयूर त्यांनी वाचवलेल्या मुलाच्या आईला देणार आहेत.

मयूर यांनी दाखवलेल्या धाडसाचं सर्वत्र कौतुक झालं. रेल्वेकडून त्यांना ५० हजारांचं बक्षीस मिळालं. यातील २५ हजार रुपये मयूर शेळके संगीता शिरसाट यांना देणार आहेत.

'मला बक्षीस म्हणून मिळालेल्या रकमेतील निम्मी रक्कम संगीता शिरसाट यांना देण्याचा निर्णय मी घेतला आहे.

शिरसाट यांच्या कुटुंबाची आर्थिक स्थिती बेताची असल्याचं मला समजलं. त्यामुळे मी हा निर्णय घेतला. ही रक्कम संगीता यांच्या मुलाच्या शिक्षणासाठी उपयोगी ठरेल,' असं शेळके यांनी सांगितलं.

मयूर यांच्या धाडसाचं दर्शन पाच दिवसांपूर्वी घडलं. आता त्यांनी त्यांच्यातल्या दातृत्त्वाचं दर्शन घडवत पुन्हा एकदा सर्वांची मनं जिंकली आहेत.

उद्योगपती आनंद महिंद्रा यांनीही ट्विट करुन मयूर शेळकेंचं कौतुक केलंय. तर, जावा मोटारसायकलचे डायरेक्टर अनुपम थरेजा यांनी मयूरला नवी कोरी जावा मोटारबाईक गिफ्ट देणार असल्याचं म्हटलं होतं

जावा कंपनीच्या अधिकाऱ्यांनी मयूर शेळके यांच्या घर जाऊन त्यांना जावा कंपनीची नवी कोरी बाईक भेट दिली.

सोशल मीडियावर सध्या नव्या बाईकसह मयूर शेळकेंचा फोटो व्हायरल होत आहे. या फोटोसोबत अनेकजण सुपरहिरो... ब्राव्हो... असे कॅप्शन देत मयूरच्या धाडसाचं कौतुक होत आहे.

जावा कंपनीचे अनुपम थरेजा यांनीही ट्विट करुन मयूर शेळकेंच्या धाडसांचं कौतुक केलंय. तसेच, या कामगिरीबद्दल त्यांना जावा परिवाराकडून बाईक देण्याचं जाहीर केलं होतं.

जावा कंपनीचे कर्मचारीह कार्यालयाबाहेर एकत्र जमले असून त्यांनी एकदिलाने एकमुखाने मयूर शेळकेंच्या कार्याला सॅल्यूट केलाय