सोलापूरमध्ये युवक काँग्रेसच्या कार्यकर्त्यांकडून राहुल गांधींच्या फोटोला दुग्धाभिषेक

भाजपच्या या आंदोलनात राहुल गांधी यांच्या फोटोचा वापर करण्यात आला होता.

सोलापूर येथील युवक काँग्रेसच्या कार्यकर्त्यांनी राहुल गांधी यांच्या फोटोला दुग्धाभिषेक घालून भाजपविरुध्द निदर्शने केली. राहुल गांधी यांची खासदारकी रद्द करण्याच्या निषेधार्थ पुढील पंधरा दिवस शहराच्या विविध भागात आंदोलने होतील, असे युवक अध्यक्ष गणेश डोंगरे यांनी सांगितले. 

भाजप नेत्यांनी शनिवारी ठळक चौकात राहुल गांधी यांच्या विरोधात निदर्शने केली होती. भाजपच्या या आंदोलनात राहुल गांधी यांच्या फोटोचा वापर करण्यात आला होता. यावर फुल्या मारण्यात आल्या होत्या. युवक काँग्रेसच्या कार्यकर्त्यांनी सोमवारी दुपारी टिळक चौकातच आंदोलन केले. राहुल गांधींच्या डिजिटल फोटोला दुग्धाभिषेक घातला. राहुल गांधी आप संघर्ष करो, हम तुम्हारे साथ है या घोषणांनी परिसर दणाणून गेला होता.