'राहुल गांधींना निवडून देणं ही केरळच्या जनतेची मोठी चूक'

By ऑनलाइन लोकमत | Published: January 18, 2020 10:24 AM2020-01-18T10:24:13+5:302020-01-18T10:26:23+5:30

'राहुल गांधी यांना का निवडून दिलंत? त्यांना संसदेत का पाठवलं?'

kerala did disastrous thing by electing rahul gandhi says ramachandra guha | 'राहुल गांधींना निवडून देणं ही केरळच्या जनतेची मोठी चूक' — 'राहुल गांधींना निवडून देणं ही केरळच्या जनतेची मोठी चूक'

ठळक मुद्दे प्रसिद्ध इतिहासकार रामचंद्र गुहा यांनी काँग्रेसचे नेते राहुल गांधींवर निशाणा साधला आहे.राहुल गांधींना निवडून देणं ही केरळच्या जनतेची मोठी चूक असल्याचं मत गुहा यांनी व्यक्त केलं.राहुल गांधी यांना का निवडून दिलंत? त्यांना संसदेत का पाठवलं? असा सवालही त्यांनी केला आहे.

कोझिकोड - प्रसिद्ध इतिहासकार रामचंद्र गुहा यांनी काँग्रेसचे नेते राहुल गांधींवर निशाणा साधला आहे. राहुल गांधींना निवडून देणं ही केरळच्या जनतेची मोठी चूक असल्याचं मत रामचंद्र गुहा यांनी व्यक्त केलं आहे. तसेच राहुल गांधी यांना का निवडून दिलंत? त्यांना संसदेत का पाठवलं? असा सवालही त्यांनी केला आहे. केरळच्या कोझिकोड येथे आयोजित करण्यात आलेल्या साहित्य महोत्सवात गुहा यांनी असं म्हटलं आहे.

'व्यक्तिगतरित्या मी काँग्रेस नेते राहुल गांधी यांच्या विरोधात नाही. राहुल सभ्य आहेत. चांगले व्यक्ती आहेत. पण सध्या यंग इंडिया पाचव्या पिढीच्या वंशजाला स्वीकारत नाही. त्यामुळे तुम्ही राहुल गांधी यांना का निवडून दिलंत? त्यांना संसदेत का पाठवलं?, राहुल गांधी यांना निवडून देणं ही केरळच्या जनतेची भयंकर चूक आहे' असं रामचंद्र गुहा यांनी म्हटलं आहे. कठोर परिश्रम करणारे आणि सेल्फ मेड पंतप्रधान नरेंद्र मोदींसमोर पाचव्या पिढीतील राहुल गांधींचा निभाव लागूच शकत नसल्याचं देखील गुहा यांनी सांगितलं आहे.

Historian Ramachandra Guha: If you Malyalis make the mistake of re-electing Rahul Gandhi in 2024 too, you are merely handing over an advantage to Narendra Modi because Narendra Modi's great advantage is that he is not Rahul Gandhi. (17.1) https://t.co/i0pgZqJ4V3
— ANI (@ANI) January 18, 2020

रामचंद्र गुहा यांनी पंतप्रधान नरेंद्र मोदी यांनी परिश्रमाने त्यांची प्रतिमा तयार केली आहे. मोदींनी 15 वर्षे राज्य चालवलं आहे. त्यांना प्रशासकीय अनुभव आहे. ते प्रचंड कष्टाळू आहेत. युरोपात जाऊनही ते कधीच सुट्टी घालवत नाही असा टोला देखील राहुल गांधींना लगावला आहे. 2024 मध्ये राहुल गांधींना निवडून देण्याची चूक करू नका. तसं केल्यास राहुल गांधी हे नरेंद्र मोदींना फायदाच पोहोचवतील. नरेंद्र मोदी हे राहुल गांधी नाहीत हाच त्यांचा फायदा आहे. केरळच्या जनतेने राहुल गांधी यांना निवडून देऊन मोठी चूक केली आहे असं रामचंद्र गुहा यांनी म्हटलं आहे.

Historian Ramachandra Guha: Narendra Modi is self-made. He has run a state for 15 years, he has administrative experience, he is incredibly hard working and he never takes holidays in Europe. I say this with all seriousness. (17.1)
— ANI (@ANI) January 18, 2020